ليه بتشوف القشة فى عينى
ولا بتشوفشى فى عينك ايه
المفروض انا وانت بنغلط
ليه بتدارى عيوبك ليه
********
انت اكمنك صاحب سلطة
مغفور تغلط ولا تعيب
لا بالعكس ده وضعك اخطر
عيب ميصحش منك عيب
************
جوه(البرج العاجى) سيادتك
عامل نفسك شخص كبير
انت بتقبض زى ما بقبض
بس انا عامل وانت مدير
**************
(البرفان) والمنصب جاعلك
تئدى وتظلم خلق الله
لكن انت حسابك اكبر
مهما يكون لك سلطه وجاه
****************
احنا فى نهضة ولازم تعرف
ان الغلطة عليها حساب
واللى معاك دلوقتى حواشى
وقت الجد مفيش احساب
****************
انا اكمنى ضعيف تحاسبنى
زى حساب ناكر ونكير
وانت بتنهب زى ما تنهب
وبتطمن للطراطير
****************
كان فى الماضى يجوز امثالك
يمرح بين الناس ويعيش
لكن ده احنا فى عصر النهضة
واللى بيلعب مالهوش عيش
*****************
خدلك عبره وشوف امثالك
فين دلوقتى وراحم فين
اكبر منك كان له هيبه
راح دلوقتى مع الخاينين
*******************
حاسب نفسك قبل الورطه
قبل ما تسمع سين او جيم
تعرق ساعة الجد وتغرق
تعرف انك كنت غشيم
****************
************
*********